30 ଗୋଟି ଆଦିବାସୀ ଗାଁ’ର ଜନସାଧାରଣ ଆଗାମୀ ପଞ୍ଚାୟତ ନିର୍ବାଚନରେ ମତଦାନ ବର୍ଜନ କରିବାପାଇଁ ଦେଲେ ଚେତାବନୀ ! ଜାଣନ୍ତୁ କାହିଁକି…….?
ଦଶପଲ୍ଲା : 21/10/2021(ରିପୋର୍ଟ :କ୍ଷୀରୋଦ ଚନ୍ଦ୍ର ପ୍ରଧାନ): ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ୍ ଟାକରା ଠାରୁ ମହାନଦୀ ବନ୍ୟପ୍ରାଣୀ ଅଭୟାରଣ୍ୟ ମଧ୍ୟଦେଇ ଗଣିଆ ବ୍ଲକ୍ ବଡମୂଳ ପର୍ଯ୍ୟନ୍ତ ଯାଇଥିବା ୨୫ କିଲୋମିଟର ରାସ୍ତା ଉପରେ 30 ଗୋଟି ଆଦିବାସୀ ଗ୍ରାମର ପ୍ରାୟ 10 ହଜାର ଜନସାଧାରଣ ନିର୍ଭର କରନ୍ତି | ସ୍ବାଧୀନତାର 75 ବର୍ଷପରେ ବି ସୁଧୁରିପାରୁନି ରାସ୍ତାର ଅବସ୍ଥା ।
ଟାକରା ଠାରୁ ମକରପ୍ରସାଦ ଯାଏଁ 4 କିଲୋମିଟର ରାସ୍ତା ବନବିଭାଗ ଅଧିନରେ ଅଛି | ବନବିଭାଗର ଟାଳଟୁଳ ନୀତି ଯୋଗୁଁ ଗ୍ରାମ୍ୟ ଉନ୍ନୟନ ବିଭାଗକୁ ହସ୍ତାନ୍ତର ହୋଇପାରୁନାହିଁ ଏହି ରାସ୍ତା |ତେଣୁ ଉକ୍ତ ରାସ୍ତାଟି ସବୁ ଦିନିଆ ରାସ୍ତାରେ ପରିଣତ ହୋଇପାରୁନି ।
ଗତ 2011 ମସିହା ନଭେମ୍ବର 25 ତାରିଖ ମଙ୍ଗଳବାର ସକାଳ 6 ଘଟିକା ଠାରୁ ଅନିର୍ଦିଷ୍ଟ କାଳ ପର୍ଯ୍ୟନ୍ତ ବାଇଶିପଲ୍ଲି ବିକାଶ ପରିଷଦ , ଘୁଗୁଡ଼ିପଡ଼ା, ବଡ଼ଶିଲିଙ୍ଗା, ତୁମାଣ୍ଡି, ଓ ଛାମୁଣ୍ଡିଆ ଗ୍ରାମ ପଞ୍ଚାୟତର ଜନସାଧାରଣ ଟାକରା ଠାରେ 57 ନଂ ଜାତୀୟ ରାଜପଥ ଅବରୋଧ କରିଥିଲେ । ପ୍ରଶାସନ ଉକ୍ତ ରାସ୍ତା ଅବରୋଧ ସ୍ଥାନ ରେ ପହଞ୍ଚି ପ୍ରତିଶୃତି ଦେବା ପରେ ରାସ୍ତା ଅବରୋଧ ହଟିଥିଲା ।
କିନ୍ତୁ ଇତିମଧ୍ୟରେ 11 ବର୍ଷ ବିତିଯାଇଥିଲେ ମଧ୍ୟ ଅଦ୍ୟାବଧି ପ୍ରଶାସନ କୌଣଷି ଠୋସ୍ ପଦକ୍ଷେପ ନେଇନାହାନ୍ତି | ଫଳରେ ଅଞ୍ଚଳବାସୀ ପୁଣି ଥରେ ରାସ୍ତା ଅବରୋଧ କରିବା ସହିତ ଆଗକୁଥିବା 2022 ପଂଚାୟତ ନିର୍ବାଚନରେ ଭୋଟ ବର୍ଜନ କରିବେ ବୋଲି ଚେତାବନୀ ଦେଇଛନ୍ତି।
More Stories
ଆଗାମୀ ନିର୍ବାଚନକୁ ନେଇ ପ୍ରସ୍ତୁତି ଆରମ୍ଭ : ଜିଲ୍ଲାରେ ତିନି ବର୍ଷରୁ ଊର୍ଧ୍ଵ ରହିଥିବା ଅଧିକାରୀ ଜିଲ୍ଲାରୁ ବିଦା ହେବେ
ଜାତୀୟ ପକ୍ଷୀ ମୟୂର ଜାତୀୟ ରାଜପଥରେ ଜୀବନ ହରାଇବା ପରି ଆହ୍ୱାନର ଶିକାର !
ଆଜିର ନୟାଗଡ଼ ଖବର …