NK NEWS ODISHA

News agency Odisha

ପୌରପାଳିକା ବୋଟିଂ କ୍ଲବ୍ ଏବେ ଦଳ ଗଡ଼ିଆ , ୭ଲକ୍ଷ ଟଙ୍କାର କାମ ୭ମାସ ଗଲା ନାହିଁ

Spread the love

ପୌରପାଳିକା ବୋଟିଂ କ୍ଲବ୍ ଏବେ ଦଳ ଗଡ଼ିଆ ,
୭ଲକ୍ଷ ଟଙ୍କାର କାମ ୭ମାସ ଗଲା ନାହିଁ

ଭଦ୍ରକ : 13/07/2021(ରିପୋର୍ଟ :ସମୀର ମହାନ୍ତି) : ରାଜ୍ୟ ହେଉ କିମ୍ବା ;କେନ୍ଦ୍ର, ସରକାରଙ୍କ ପ୍ରଦତ୍ତ ଅନୁଦାନର ସଠିକ ବିନିଯୋଗ ହେଉ ନାହିଁ।ଆସୁଥିବା ଅନୁଦାନକୁ ଯେକୌଣସି ବାଟରେ ଖର୍ଚ୍ଚ କରି ବିଲ୍ ଉଠାଇ ଦେଲେ କଥା ସରିଲା । କରୋନା କାଳରେ ପୌରାଞ୍ଚଳ ପାଇଁ ‘ଉଇ’ ଯୋଜନାରେ ଆସିଥିବା ବିପୁଳ ପରିମାଣର ଅର୍ଥରାଶୀର ବାସ୍ତବ ବିନିଯୋଗ ହୋଇ ନାହିଁ ।

କେତେକ ସ୍ଥାନୀୟ ରାଜନୈତିକ ନେତାଙ୍କ ସଲାସୁତୁରାରେ ପୌର କର୍ତ୍ତୃପକ୍ଷଙ୍କ ବିଭାଗୀୟ କନିଷ୍ଠ ଯନ୍ତ୍ରୀ ଆସିଥିବା ଅର୍ଥରାଶୀର ସତ୍ ବିନିଯୋଗ କରିବାକୁ ଆଦୌ ଉଦ୍ୟମ କରି ନାହାନ୍ତି । ଯାହାର ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ଚରମ୍ପା ୨ନମ୍ବର ୱାର୍ଡ଼ ରହଣିଆ ଠାରେ ଥିବା ଅମୃତ ପାର୍କର ବୋର୍ଟିଂ କ୍ଲବ କ୍ଷେତ୍ରରେ ।

ତଥ୍ୟ ଅନୁଯାୟୀ ପୌରପାଳିକାର ୨ନମ୍ବର ୱାର୍ଡ଼ ଚରମ୍ପା ରହଣିଆ ଠାରେ ଅମୃତ ଯୋଜନାରେ ଏକ ପାର୍କ ନିର୍ମିତ ହୋଇଥିଲା । ପ୍ରାୟ ୭୦ଲକ୍ଷ ଟଙ୍କା ବ୍ୟୟରେ ନିର୍ମିତ ଏହି ପାର୍କ ନିକଟରେ ଏକ ବିଶାଳ ଜଳାଶୟକୁ ପୌର କର୍ତ୍ତୃପକ୍ଷ ସେ ସମୟରେ ବୋର୍ଟିଂ କ୍ଲବର ରୂପ ଦେଇଥିଲେ । ଭଦ୍ରକ ଜିଲ୍ଲାରେ ଏହା ଥିଲା ଏକମାତ୍ର ବୋଟିଂ କ୍ଲବ ।

କିନ୍ତୁ ଗତ ବର୍ଷ କରୋନାର ପ୍ରଥମ ଲହର ସମୟରେ କେନ୍ଦ୍ର ସରକାର ଲକଡାଉନ କଟକଣା ଜାରୀ କରିବା ପରେ ଏହି ପାର୍କ ଓ ବୋଟିଂ କ୍ଲବ ପରିତ୍ୟକ୍ତ ଅବସ୍ଥାକୁ ଆସି ଯାଇଥିଲା । କାରଣ ସର୍ବସାଧାରଣଙ୍କ ଚଳପ୍ରଚଳ ଉପରେ ରୋକ ଲାଗିଥିବାରୁ ପାର୍କ ନିକଟରେ ଥିବା ବୋଟିଂ କ୍ଳବ ବିଲାତି ଦଳରେ ଭର୍ତ୍ତୀ ହୋଇ ଯାଇଥିଲା । ଉକ୍ତ ପାର୍କର ରକ୍ଷଣାବେକ୍ଷଣ ଦାୟିତ୍ୱରେ ଥିବା ପୌର କର୍ତ୍ତୃପକ୍ଷ ବିଶେଷକରି ବିଭାଗୀୟ କନିଷ୍ଠ ଯନ୍ତ୍ରୀ ଏ ଦିଗରେ ଉଦାସୀନ ରହିଥିଲେ ।

ସହରାଞ୍ଚଳରେ କର୍ମନିଯୁକ୍ତି ସୃଷ୍ଟି ପାଇଁ ସରକାର ଉଇ ଯୋଜନାରେ ବିଭିନ୍ନ ପ୍ରକଳ୍ପ କାର୍ଯ୍ୟକାରୀ କରିବାକୁ ଘୋଷଣା କରିବା ସହ ଏଥିପାଇଁ ଆର୍ଥୀନ ଅନୁଦାନ ଯୋଗାଇ ଦେଇଥିଲେ । ଏହିକ୍ରମରେ ଭଦ୍ରକ ପୌରପାଳିକାକୁ ଏକ କୋଟିରୁ ଅଧିକ ଅନୁଦାନ ଆସିଥିଲା । ଏହିକ୍ରମରେ ରହଣିଆ ବୋର୍ଟିଂ କ୍ଲବର ପୁନରୁଦ୍ଧାର ପାଇଁ ପାଖାପାଖି ୭ଲକ୍ଷ ଟଙ୍କାର ଅର୍ଥ ମଞ୍ଜୁର ହୋଇଥିଲା । ବଜରଙ୍ଗବାଲୀ ନାମକ ଏକ ସ୍ୱୟଂ ସହାୟିକ ଗୋଷ୍ଠିଙ୍କୁ ଉକ୍ତ ପୁଷ୍କରିଣୀର ପୁନରୁଦ୍ଧାର କାର୍ଯ୍ୟ ପାଇଁ କାର୍ଯ୍ୟାଦେଶ ଦିଆଯାଇଥିଲା । ୪୬୫ଜଣ ପୁରୁଷ ଓ ସମ ସଂଖ୍ୟକ ମହିଳାଙ୍କୁ ମିଶାଇ ମୋଟ ୯୩୦ ଜଣଙ୍କ ପାଇଁ କର୍ମ ନିଯୁକ୍ତି ସୃଷ୍ଟିର ଉଦ୍ୟମ କରାଯାଇଥିଲା ।

କିନ୍ତୁ କାର୍ଯ୍ୟ ସମ୍ପୂର୍ଣ୍ଣ ହେବାର ୬ମାସ ମଧ୍ୟରେ ପାର୍କ ସନ୍ନିକଟ ଏହି ବୋଟିଂ କ୍ଲବ ପାଇଁ ଉଦ୍ଦିଷ୍ଟ ପୁଷ୍କରିଣୀ ପୁଣି ଦଳ ଗଡ଼ିଆରେ ପରିଣତ ହୋଇ ସାରିଛି । ବିଭାଗୀୟ କନିଷ୍ଠ ଯନ୍ତ୍ରୀ ଠିକ ଭାବରେ ଏହି ବହୁ ଲକ୍ଷ ଟଙ୍କାର କାର୍ଯ୍ୟକୁ ତଦାରଖ କରିନଥିବା ଓ ଆସିଥିବା ଅନୁଦାନ ଠିକ ଭାବରେ ବିନିଯୋଗ ହୋଇନଥିବା କାରଣରୁ ଏପରି ପରିସ୍ଥିତି ସୃଷ୍ଟି ହୋଇଛି ବୋଲି ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି । ଇତିମଧ୍ୟରେ ପୁଣିୀ ୬ମାସ ବିତିଯାଇଛି । ଏହି ଅବଧି ମଧ୍ୟରେ ଉକ୍ତ ବୋଟିଂ କ୍ଳବର ପୁଷ୍କରିଣୀ ପୁଣି ଦଳ ଗଡ଼ିଆରେ ପରିଣତ ହୋଇଛି । ଏପରିକି ଉକ୍ତ ସ୍ଥାନରେ ôତବା ବୋଟ ଗୁଡ଼ିକକୁ ଉଠାଇ ଆଣି କର୍ତ୍ତୃପକ୍ଷ ପାର୍କ ମଧ୍ୟରେ ପକାଇ ରଖିଛନ୍ତି ।

ତେଣୁ ଉକ୍ତ ପୁଷ୍କରିଣୀର ପୁନରୁଦ୍ଧାର ପାଇଁ ଉଇ ଯୋଜନାରେ ଆସିଥିବା ବିପୁଳ ଅର୍ଥକୁ ଯେଭଳି ଭାବରେ ପୌର କର୍ତ୍ତୃପକ୍ଷ ବିନିଯୋଗ କଲେ ତାହାକୁ ସହଜରେ ଗ୍ରହଣ କରି ପାରୁ ନାହାନ୍ତି ସ୍ଥାନୀୟ ବାସିନ୍ଦା ।


ସୂଚନାଯୋଗ୍ୟ ୪ବର୍ଷ ପୂର୍ବେ ପୌରପାଳିକାର ଚରମ୍ପା ୨ନମ୍ବର ୱାର୍ଡ଼ ରହଣିଆ ଠାରେ ଲୋକାର୍ପିତ ହୋଇଥିଲା ଅମୃତ ସହର ଭଦକର ପ୍ରଥମ ଅମୃତ ପାର୍କ । କେବଳ ପାର୍କ ନୁହେଁ ଏକ ବୋଟିଂ କ୍ଳବର ସ୍ୱପ୍ନ ଦେଖିଥିବା ତତ୍କାଳୀନ ବିଧାୟକ ଓ ପୌରାଧ୍ୟକ୍ଷ ମାନସ ମହାନ୍ତିଙ୍କ ଆଶା ମଧ୍ୟ ବାସ୍ତବ ରୂପ ନେଇଥିଲା । ତତ୍କାଳୀନ ବିଧାୟକ ଯୁଗଳ କିଶୋର ପଟ୍ଟନାୟକ ଏହି ପାର୍କକୁ ଜିଲ୍ଲାପାଳଙ୍କ ସମେତ ବହୁ ପ୍ରଶାସନିକ ଅଧିକାରୀ, ପାରିଷଦଙ୍କ ଉପସ୍ଥିତିରେ ଉଦଘାଟନ କରି ସହରବାସୀଙ୍କ ଉଦ୍ଦେଶ୍ୟରେ ଲୋକାର୍ପିତ କରିଥିଲେ । ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ସହଭାଗିତାରେ ଏହି ପାର୍କ ଓ ବୋଟିଂ କ୍ଳବ ପାଇଁ ଏକ କୋଟିରୁ ଉର୍ଦ୍ଧ୍ୱ ଟଙ୍କା ଖର୍ଚ୍ଚ ହୋଇଥିଲା । କିନ୍ତୁ ଇତିମଧ୍ୟରେ ଏହି ପାର୍କ ଏବେ ପରିତ୍ୟକ୍ତ ଅବସ୍ଥାକୁ ଆସି ଯଇଛି

%d