ସ୍ୱାଧୀନତା ଦିବସ ଅବସରରେ ଅନୁଷ୍ଠିତ ହେଲା ଏକ ବର୍ଣ୍ଣମୟ ଅନୁଷ୍ଠାନ |

ସ୍ୱାଧୀନତା ଦିବସ ଅବସରରେ ଅନୁଷ୍ଠିତ ହେଲା ଏକ ବର୍ଣ୍ଣମୟ ଅନୁଷ୍ଠାନ |

କୋଲକାତା : 15/08/2021(ରିପୋର୍ଟ :ସନାତନ ମହାକୁଡ଼): ସ୍ୱାଧୀନତା ଦିବସ ପାଳନ ଅବସରରେ ଅନୁଷ୍ଠିତ ହୋଇଛି ଏକ ବର୍ଣ୍ଣମୟ ଅନୁଷ୍ଠାନ । ପୂର୍ବ ମେଦିନୀପୁର ର ବାଲିସାଇରୁ ପ୍ରକାଶିତ ଅନଲାଇନ ପତ୍ରିକା ‘ଶ୍ରେୟସୀ’ ର ବ୍ୟବସ୍ଥାପନାରେ ଆୟୋଜିତ ଏଇ ଅନୁଷ୍ଠାନକୁ ଯୁଗ୍ମ ପରିଚାଳନା କରିଥିଲେ ଧାମରା ବନ୍ଦରର ଡେପୁଟି ମ୍ୟାନେଜର ସୌଭାଗ୍ୟ କୁମାର ମଲ୍ଲିକ ଏବଂ ଶ୍ରେୟସୀ ପତ୍ରିକାର କର୍ଣ୍ଣଧାର ବରୁଣ କୁମାର ଦାସ । ସବ୍ୟସାଚୀ ପଣ୍ଡାଙ୍କ ଗୀଟାରରେ ଅନୁରଣୀତ ଜନ ଗଣ ମନ ମାଧ୍ୟମରେ ଶୁଭ ସୂଚନା ହୁଏ ଏଇ ଅନୁଷ୍ଠାନର । ମୁମ୍ବାଇରୁ ଅନଲାଇନ ଓଡ଼ିଆ ପତ୍ରିକା ‘ବେଦାନ୍ତୀ’ର ସମ୍ପାଦକ ଅରବିନ୍ଦ ମିଶ୍ର ସଂକ୍ଷିପ୍ତ ଅଭିଭାଷଣ ପ୍ରଦାନ କରିଥିଲେ । ଅଧ୍ୟାପକ ଏବଂ ଖଡ଼ଗପୁରସ୍ଥ ବିଶ୍ବାୟନ ପରିଷଦ ର ପୁରୋଧା ଗଗନ ଚନ୍ଦ୍ର ଦେଙ୍କ ସଂସ୍କୃତ ଭାଷାରେ ଲିଖିତ କବିତା ପାଠ ଅନୁଷ୍ଠାନକୁ ଅନୁପ୍ରାଣିତ କରେ । କୋଭିଡ ଯୁଦ୍ଧର ବିଜେତା ଏବଂ ସମାଜସେବୀ ଭୁବନେଶ୍ବରର ପୁଷ୍ପଲତା ମିଶ୍ର ,ଜଟଣୀର ଦେବଜାନୀ ରାୟ ,ସୌଦାମିନୀ ତ୍ରିପାଠୀ ,ପଦ୍ମାବତୀ ମିଶ୍ର ,ଅଭିନଵ ପଟ୍ଟନାୟକ ,ପ୍ରଶାନ୍ତ ପ୍ରଧାନ , ଅଜିତ କୁମାର ମହାପାତ୍ର ପ୍ରମୁଖ ଓଡ଼ିଆ କବିତା ପାଠ କରିଥିଲେ ।

ମହାତ୍ମା ଗାନ୍ଧୀଙ୍କ ଉପରେ ଆଧାରିତ ଫିରୋଜ କୁମାରଙ୍କ ସମ୍ବଲପୁରୀ ଭାଷାର କବିତା ପାଠ ଭିନ୍ନ ମାତ୍ରା ଯୋଗ କରିଥିଲା । ବର୍ଷିୟାନ କବି ବିଜୟ କୁମାର ମୁଦୁଲିଙ୍କ କବିତା ପାଠ କରିବାର ନିଆରା ଭଂଗି ସମାଦ୍ରୁତ ହୋଇଥିଲା । ନୟାଗଡ଼ ଜିଲ୍ଲାରୁ ଯୋଡ଼ି ହୋଇଥିଲେ ଅନୁବାଦକ ଏବଂ ଯୋଗଗୁରୁ ସନାତନ ମହାକୁଡ଼ । କଲିକତାରୁ କ୍ରିଷ୍ଣା ପାଳ ,ରାମନଗରରୁ ପ୍ରଣବ ଭଟ୍ଟାଚାରୀୟା ,ସୁଶାନ୍ତ କୁମାର ସାହୁ ,କାନ୍ଥିରୁ ରମଣୀ କାନ୍ତ ପାତ୍ର ,ସ୍ବପନ କୁମାର ପାହାଡୀ ପ୍ରମୁଖ ଉପସ୍ଥିତ ରହି କବିତା ପାଠ କରିଥିଲେ । ଏହି ଭଳି ଅନୁଷ୍ଠାନ ‘ମନନ ‘.ସାହିତ୍ୟ ପତ୍ରିକାର ସମ୍ପାଦକ ,ଅଲୋକ ନାଥ ମିଶ୍ର ଓ ଅନୁଷ୍ଠାନ ପ୍ରେମୀ ପ୍ରଦୀପ କୁମାର ଜାନା ,ପରିତୋଷ ସାମନ୍ତ ,ଚନ୍ଦନ ଶିଟ ଏବଂ ସୌମେନ କରଙ୍କ ଦ୍ଵାରା ଉଚ୍ଚ ପ୍ରଶଂସିତ ହୋଇଛି ।l