ଦଶପଲ୍ଲା ଲଙ୍କାପୋଡ଼ି ଯାତ୍ରା 2023: ଦ୍ଵିତୀୟ ଦିବସରେ ଅନୁଷ୍ଠିତ ହେଲା ଯଜ୍ଞରକ୍ଷା ଓ ଶିବଧନୁ ଭଗ୍ନ |

ଦଶପଲ୍ଲା:31/03/2023: ଦଶପଲ୍ଲାର ପ୍ରସିଦ୍ଧ ଲଙ୍କାପୋଡ଼ି ଯାତ୍ରାର ଆଜି ଦ୍ଵିତୀୟ ଦିବସରେ ଶ୍ରୀ ଶ୍ରୀ ରଘୁନାଥ ଜୀଉଙ୍କ ମନ୍ଦିର ପ୍ରାଙ୍ଗଣର ମୁଖ୍ୟ ମଞ୍ଚରେ ଜାଗରକ୍ଷା ଓ ଶିବଧନୁ ଭଗ୍ନ ମଞ୍ଚସ୍ଥ ହୋଇଯାଇଛି। ଆସନ୍ତୁ ଜାଣିବା ମଞ୍ଚସ୍ଥ ନାଟକରେ ରାମାୟଣଋ କେଉଁ କେଉଁ ଦୃଶ୍ୟ ପରିବେଷିତ ହୋଇଥିଲା:

ଯଜ୍ଞରକ୍ଷା ଓ ଶିବଧନୁ ଭଗ୍ନ ନାଟକରେ ରାମାୟଣର ପରିବେଷିତ ଦୃଶ୍ୟ

• ପ୍ରଥମେ ସିଦ୍ଧବନରେ ଋଷି ମାନଙ୍କ ଯଜ୍ଞରକ୍ଷା ଓ ସେଠାରେ ତାଡ଼କୀ ଅସୁରୀ ଓ ତାର ଦୁଇପୁତ୍ର ସୁବାହୁ ଓ ମାରିଚ ଅତ୍ୟାଚାର ପରିବେଷିତ ହୋଇଥାଏ।
• ସେତିକି ବେଳେ ଶୂନ୍ୟବାଣୀ ହୁଏ ଯେ ଦଶରଥ ନନ୍ଦନ ଶ୍ରୀରାମ ଓ ଲକ୍ଷ୍ମଣ ଅସୁରମାନଙ୍କୁ ନିଧନ କରିବେ। ମହର୍ଷି ବିଶ୍ଵାମିତ୍ର ଅଯୋଧ୍ୟା ଗମନ କରି ରାଜା ଦଶରଥଙ୍କୁ ସବୁକଥା କହି ଶ୍ରୀରାମ ଲକ୍ଷ୍ମଣଙ୍କୁ ଆଣି ସିଦ୍ଧବନରେ ତାଡ଼କୀ ଓ ସୁବାହୁକୁ ବଧ କରନ୍ତି।
• ଏହାପରେ ସେଠାରେ ଋଷିମାନଙ୍କ ଯଜ୍ଞକର୍ମ ସମାପନ ହୋଇଥାଏ। ସେହିଠାରେ ହିଁ ବିଶ୍ୱାମିତ୍ର ଶ୍ରୀରାମ ଓ ଲକ୍ଷ୍ମଣଙ୍କୁ ବିଭିନ୍ନ ଦିବ୍ୟାସ୍ତ୍ର ପ୍ରଦାନ କରନ୍ତି।
• ସେହି ସମୟରେ ଜନକ ଆପଣାର ପୁତ୍ରୀ ସୀତାଙ୍କ ନିମନ୍ତେ ସ୍ଵୟମ୍ବରର ଆବେଦନ କରିଥିବା ଜାଣି ବିଶ୍ଵାମିତ୍ର ଶ୍ରୀରାମ ଓ ଲକ୍ଷ୍ମଣଙ୍କୁ ନେଇ ଜନକପୁରୀ ମିଥିଳା ଯାତ୍ରାକରନ୍ତି।
• ବାଟରେ ପାଷାଣ ଅହଲ୍ୟା ଉଦ୍ଧାର କରି ଗଙ୍ଗାପାର ହୋଇ ମିଥିଳା ଯାଆନ୍ତି।
• ସେଠାରେ ଶିବଧନୁ ଭଗ୍ନ କରିବା ପରେ ସୀତା ଶ୍ରୀରାମଙ୍କୁ ବରଣ କରନ୍ତି।
• ଏହି ସୁସମ୍ବାଦ ପାଇ ଦଶରଥ ସଦଳବଳେ ଅନ୍ୟ ପୁତ୍ରମାନଙ୍କୁ ନେଇ ମିଥିଳା ଗମନ କରନ୍ତି।
• ମୁନୀ ଋଷିଙ୍କ ଉପଦେଶ ଅନୁଯାୟୀ ଶ୍ରୀରାମ ସୀତା, ଭରତ ମାଳେଣୀ, ଲକ୍ଷ୍ମଣ ଉର୍ମିଳା ଓ ଶତୃଘ୍ନ ସୁକିର୍ତୀଙ୍କ ସହିତ ବିବାହ ସମ୍ପନ୍ନ କରିବା ପରେ ଋଷିଆଣୀ କରିଥାନ୍ତି।

ତେବେ ଏହି ଦୃଶ୍ୟ ଅତ୍ୟନ୍ତ ମନୋରମ ହୋଇଥିବା ବେଳେ ଶହଶହ ସଂଖ୍ୟାରେ ଦର୍ଶକ ଏହି ପ୍ରସଙ୍ଗକୁ ଉପଭୋଗ କରିଥାନ୍ତି।