ବନବିଭାଗର ଦବଙ୍ଗଗିରି : ଘରେ ପଶି ନେଇଗଲେ ବାଉଁଶ |

ବନବିଭାଗର ଦବଙ୍ଗଗିରି : ଘରେ ପଶି ନେଇଗଲେ ବାଉଁଶ |

ଦଶପଲ୍ଲା :09/08/2021(ରିପୋର୍ଟ : ନିୟୁଜ ହେଡ଼ ): ଦଶପଲ୍ଲା ବ୍ଲକ୍ ଟାକରା ଗ୍ରାମ ପଂଚାୟତର 57ନଂ ଖୋର୍ଦ୍ଧା-ବଲାଙ୍ଗୀର ଜାତୀୟ ରାଜପଥ ପାର୍ଶ୍ଵରେ ଝୁମ୍ପୁଡି କୁଡିଆରେ ରହି, ପାର୍ଶ୍ବବର୍ତ୍ତୀ ବଣ ଜଂଗଲରୁ ବାଉଁଶ ଆଣି ବାଉଁଶପାତିରେ ବୋଝ,ଚାଗୁଂଡି,କୁଲା,ଡାଲା ବୁଣି ପ୍ରତିପୋଷଣ ହେଉଥିବା ଗରିବ ଡ଼ମ ସଂପ୍ରଦାୟ ଉପରେ ଆଜି ବନବିଭାଗ ଦେଖାଇଛି ଦବଙ୍ଗଗିରି ।

ପ୍ରାପ୍ତ ସୂଚନା ଅନୁସାରେ ଗତକାଲି ଡମସାହି ସଂପ୍ରଦାୟଙ୍କ ଘର ଉପରେ ଦଶପଲ୍ଲା ବନବିଭାଗ କର୍ମଚାରୀମାନେ ସଦଳବଳେ ଚଢ଼ାଉ କରି ପ୍ରାୟ 15ଟି ପରିବାରଙ୍କ ଘରୁ ପ୍ରାୟ ୨୦୦ ବାଉଁଶ ଜବତ କରିଛନ୍ତି । ଗ୍ରାମବାସୀଙ୍କ କହିବା ଅନୁସାରେ ସେମାନେ ବାଉଁଶ ଏସବୁ କିଣି ଆଣଛନ୍ତି ||ସେଥିରେ ବିଭିନ୍ନ ବାଉଁଶ ଘରକରଣା ଜିନିଷ ତିଆରିକରି ନିଜର ଜୀବନ ଜୀବିକା ନିର୍ବାହ କରନ୍ତି । କିନ୍ତୁ ବନବିଭାଗ କର୍ମଚାରୀମାନେ ଆଜି ଦିନ ୩ଟାରେ ଚଢ଼ାଉ କରି ସବୁ ବାଉଁଶ ଏକ ଟ୍ରାକ୍ଟର ଯୋଗେ ନେଇଯାଇଥିଲେ । ଗରିବ ସଂପ୍ରଦାୟର ଲୋକମାନେ ଯେତେ କାକୁତି ମିନତୀ ହୋଇଥିଲେ ମଧ୍ୟ ସେମାନେ କିଛି ଶୁଣିନଥିଲେ ।

ଏହାର ପ୍ରତିବାଦରେ ଶତାଧିକ ଡ଼ମ ସଂପ୍ରଦାୟର ଲୋକ ଆଜି ଦିନ ୯ଘଟିକା ସମୟରେ ଟାକରା ବନପାଳଙ୍କ କାର୍ଯ୍ୟାଳୟ ସମୁଖରେ 57ନଂ ଖୋର୍ଦ୍ଧା-ବଲାଙ୍ଗୀର ଜାତୀୟ ରାଜପଥ ଅବରୋଧ କରିଥିଲେ । ସ୍ଥାନୀୟ ଲୋକ ପ୍ରତିନିଧିଙ୍କ ବୁଝାସୁଝା ପରେ ରାସ୍ତାରୋକ ହଟିଥିଲା ।