ମା ଅନ୍ନଦାତ୍ରୀ ମହାଲକ୍ଷ୍ମୀଙ୍କର ପୂଜା ଉତ୍ସବ ଅନୁଷ୍ଠିତ |
ଦଶପଲ୍ଲା: (ରିପୋର୍ଟ: ପ୍ରକାଶ କୁମାର ନାୟକ): ବ୍ଲକ ସୀମାନ୍ତ କୁଜାମେଣ୍ଢି ଗ୍ରାମ ପଞ୍ଚାୟତ ଅନ୍ତର୍ଗତ ବନ୍ଧଖମଣ ଗ୍ରାମରେ ମାର୍ଗଶିର ମାସର ଅନ୍ତିମ ଗୁରୁବାର ଦିନ ମା ଅର୍ଣ୍ଣଦାତ୍ରୀ ମହାଲକ୍ଷ୍ମୀ ଙ୍କର ପୂଜା ଉତ୍ସବ ଅନୁଷ୍ଠିତ ହୋଇଯାଇଛି l ଏହି ଉତ୍ସବରେ ଅଞ୍ଚଳର ବହୁ ବିଦ୍ୱାନ ତଥା ବୁଦ୍ଧିଜୀବି ବ୍ୟକ୍ତି ସୁବାଷ ଚନ୍ଦ୍ର ପ୍ରଧାନ ଏବଂ ପ୍ରମୋଦ କୁମାର କହଁର , ଅଶୋକ ସାହୁ, ଯୋଗ ଦେବା ସମେତ ସମିତିସଭ୍ୟା ଶ୍ରଦ୍ଧାଞ୍ଜଳି ସାହୁ ନାଏବ ସରପଞ୍ଚ ନମିତା ମଳିକ, ସମସ୍ତ ୱାର୍ଡ଼ର ୱାର୍ଡମେମ୍ବର ଏବଂ ଅଞ୍ଚଳର ସମସ୍ତ ଜନସାଧାରଣ ଉପସ୍ଥିତ ଥିଲେ l
କୁଜାମେଣ୍ଢି ଗ୍ରାମପଞ୍ଚାୟତ ସରପଞ୍ଚ ଶ୍ରୀମତୀ ସଂଗୀତା ପୃଷ୍ଟି ମୁଖ୍ୟ ସନ୍ମାନୀତ ଅତିଥି ରୁପେ ଯୋଗ ଦେଇ ଆନୁଷ୍ଠାନିକ ଭାବେ ଫିତା କାଟି ସାଂକୃତିକ କାର୍ଯ୍ୟକ୍ରମ ଶୁଭାରମ୍ଭ କରିଥିଲେ l ଅଞ୍ଚଳର ବହୁ କଳାପ୍ରେମୀ ଜନସାଧାରଣ ଅନୁଷ୍ଠିତ ହୋଇଥିବା ସାଂକୃତିକ କାର୍ଯ୍ୟକ୍ରମକୁ ଶାନ୍ତି ଶୃଙ୍ଖଳା ର ସହିତ ଉପଭୋଗ କରିଥିଲେ l
ମା ଲଷ୍ମୀଙ୍କର ପୂଜା ଉତ୍ସବ ଦୀର୍ଘଦିନ ଧରି ଏହି ଅଞ୍ଚଳ ର ଏକ ଛୋଟିଆ ଜନବସ୍ତି ଗ୍ରାମ ବନ୍ଧଖମଣ ରେ ଅନୁଷ୍ଠିତ ହୋଇ ତାହା ଦ୍ୱାଦଶ ବର୍ଷର ପୂଜା ଉତ୍ସବ ରେ ପହଞ୍ଚି ଅଞ୍ଚଳବାସୀ ଙ୍କ ମନରେ ଆନନ୍ଦ ଏବଂ ଉତ୍ସାହ ଆଣି ଦେଇଥିବାରୁ ଅଞ୍ଚଳ ର ବହୁ ବୁଦ୍ଧିଜୀବୀ ମାନେ ଗ୍ରାମବାସୀ ତଥା ଆୟୋଜକ ପଞ୍ଚାନନ କମାର ଏବଂ କମିଟି ସଭାପତି ଫୁରୁ ଭୋଇ ଙ୍କୁ ବହୁ ପ୍ରଶଂସା କରିଛନ୍ତି l