ଆକସନ୍ ମୋଡ଼୍ ରେ ବନାଂଚଳ ଅଧିକାରୀ ସଂସାର ବର୍ଗୀଆ ।
★ ବନ୍ଧୁକ ଜବତ୍ , ଶିକାରୀ ଗିରଫ୍
ଦଶପଲ୍ଲା : 06/11/2022: ଗତକାଲି ଦଶପଲ୍ଲା ବନାଂଚଳରେ ଏସ୍ ଟି ଏଫ୍ ଚଢ଼ଓ କରି ବାଘଛାଲ, ବଜ୍ରକାପ୍ତା ଖୋଳା,ବାର୍ହା ଦାନ୍ତ, ଶାଳିଆପତନୀ ଚମଡା ଜବତ୍ କରିବା ପରେ, ଆଜି ପୁଣି ବନ୍ୟପ୍ରାଣୀ ବନ ବିଭାଗକୁ ମିଳିଛି ଆଉଏକ ସଫଳତା । କାଲିର ଏସ୍ ଟି ଏଫ୍ ଚଢାଓ ପରେ , ଆକସନ୍ ମୋଡ୍ ରେ ଅଛନ୍ତି, ବାଣୀଗୋଛା ପଶ୍ଚିମ ବନ୍ୟପ୍ରାଣୀ ବନାଂଚଳ ଅଧିକାରୀ ସଂସାର ବର୍ଗୀଆ । ବିଗତ ଦିନମାନକଂରେ ନିଜ ଜୀବନକୁ ବାଜି ଲଗାଇ , ଶିକାରୀଙ୍କ ମାନକଂ ମନରେ କୋକୁଆ ଭୟ ସୃଷ୍ଟି କରିଥିବା ସଂସାର ବର୍ଗୀଆ କୁଂ, ଗତ ରାତ୍ରରେ ପୁଣି ମିଳିଛି ଏକ ସଫଳତା ।
ଗତକାଲି ( ୫ ତାରିଖ ) ରାତ୍ରର ବିଳମ୍ବିତ ସମୟରେ ଶ୍ରୀ ବର୍ଗୀଆ ସଦଳବଳେ, ବାଣୀଗୋଛା ପଶ୍ଚିମ ବନାଂଚଳ ରେ ରାତ୍ରିକାଳିନ ପ୍ରହରା ଦେଉଥିବାବେଳେ, ଶିକାରପାଇଁ ପ୍ରସ୍ତୁତ ହେଉଥିବା ଏକ ଶିକାରୀ ଦଳ ଉପରେ ଅଚାନକ ଚଢାଓ କରିଥିଲେ । ଚଢାଓ ସମୟରେ ଅନ୍ୟ ସହଯୋଗୀ ମାନେ ଖସିଯିବାକୁ ସକ୍ଷମ ହୋଇଥିବାବେଳେ ମୂଖ୍ୟ ଶିକାରୀ କୁଲୁରୁକୁମ୍ପା ଗ୍ରାମପଞ୍ଚାୟତ,ବାଣୀବିରୀ ଗ୍ରାମର , ବିଶ୍ବନାଥ ମଳିକ ( ୭୦ ) କୁ ବନ କର୍ମଚାରୀ ମାନେ ମାଡି ବସିଥିଲେ ଓ ତାକଂ ଠାରୁ ଶିକାର ପାଇଁ ବ୍ୟବହୃତ ଏକ ଦେଶୀ ଚୋରା ବନ୍ଧୁକ ଜଵତ୍କରି ଅଧିକ ପଚରା ଉଚରା ପାଇଁ,ବାଣୀଗୋଛା ବନାଂଚଳ କାର୍ଯ୍ୟାଳୟ ରେ ଅଟକ ରଖାଯାଇଛି ।
ଏହି ଚଢାଉରେ ବନାଂଚଳ ଅଧିକାରୀ ଶ୍ରୀ ବର୍ଗୀଆଙ୍କ ସମେତ, ବନପାଳ ଦୀପ୍ତିରଂଜନ ଆଚାର୍ଯ୍ୟ, ଦୀପ୍ତିରଂଜନ ନାୟକ, ବନରକ୍ଷୀ ରାଜ୍ କୁମାର ଶତପଥୀ ଏବଂ ବନପାଳ ଗୋଲକ ବିହାରୀ ବେହେରା, ରୋଜାଲିନି ସ୍ବାଇଁ ସମେତ ଅନ୍ୟ ବନକର୍ମଚାରୀ ମାନେ ମଧ୍ୟ ସାମିଲ୍ ଥିଲେ । ଅଭିଯୁକ୍ତକୁ ଆସନ୍ତା କାଲି କୋର୍ଟ ଚାଲାଣ କରାଯିବ ବୋଲି ,ବନାଂଚଳ ଅଧିକାରୀ ସଂସାର ବର୍ଗୀଆ ସୂଚନା ଦେଇଛନ୍ତି ।