ଦଶପଲ୍ଲା ରେ ପାଳିତ ହେଲା ,୭୧ ତମ ଜିଲ୍ଲା ସ୍ତରୀୟ ଗୋ - ସମ୍ବର୍ଦ୍ଧନା ଉତ୍ସବ ।
ଦଶପଲ୍ଲା :(ସୁବାଷ ଚନ୍ଦ୍ର ବାରିକ): ନୟାଗଡ଼ ଜିଲ୍ଲାରେ ୭୧ ତମ ଗୋ ସମ୍ବର୍ଦ୍ଧନା ଉତ୍ସବ ଏକ ସପ୍ତାହ ଧରି ଚାଲିଥିବାବେଳେ ଆଜି ଉଦ୍ଜାପିତ ହୋଇଯାଇଛି । ଦଶପଲ୍ଲାବ୍ଲକ ନିକସ୍ଥ ,ଖମାର ସାହି ପଞ୍ଚାୟତ ର ପ୍ରାଣୀ ସେବା କେନ୍ଦ୍ର ଠାରେ ଏହି ଉତ୍ସବ ପାଳିତ ହୋଇଯାଇଛି । ଆଜିର ଉତ୍ସବରେ, ମୁଖ୍ୟ ଅତିଥି ଭାବେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଯୋଗଦେଇ ଥିବା ବେଳେ ସମ୍ମାନିତ ଅତିଥି ଭାବେ ଦଶପଲ୍ଲା ବ୍ଲକ ଅଧ୍ୟକ୍ଷା ସୁନନ୍ଦା ସାହୁ, ଖମାର ସାହି ସରପଞ୍ଚ ସନ୍ଧ୍ୟାରାଣୀ ବେହେରା ,ସମିତି ସଭ୍ୟା ମନୋରମା ବେହେରା, ୧୧ନମ୍ବର ଜିଲାପ୍ରତିନିଧି ଶ୍ରୀ ବସନ୍ତ କୁମାର ପ୍ରଧାନ ନୟାଗଡ ଜିଲ୍ଲା ର ଅତିରିକ୍ତ ଜିଲ୍ଲାପାଳ ଶ୍ରୀ ବିଧାନ ଚନ୍ଦ୍ର ରାୟ,ସତ୍ୟନାରାୟଣ ପଣ୍ଡା ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଏହି ଉତ୍ସବ ରେ ଯୋଗ ଦେଇଥିବା ବେଳେ ଅତିଥି ମାନେ ପ୍ରଥମେ ଗୋ ମାତା କୁ ପୂଜା ଅର୍ଚ୍ଚନା କରିଥିଲେ ଏବଂ ପରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା । ଏହି ସଭାରେ ଗୋ ମାତା ର ସୁରକ୍ଷା ଏବଂ ଗୋ ପାଳନ ବିଷୟ ରେ ମଞ୍ଚାସିନ ଅତିଥି ମାନେ ନିଜ ନିଜ ବ୍ୟକ୍ତଵ୍ୟ ରଖିଥିଲେ । ଶେଷରେ ପାଖରେ ଥିବା ବିଭିନ୍ନ ଷ୍ଟଲ୍ ଗୁଡ଼ିକ ବୁଲି ଅତିଥି ମାନେ ଦେଖିଥିଲେ ଓ ପ୍ରଶଂସା ବି କରିଥିଲେ । ଏହି ଉତ୍ସବରେ କୁନି କୁନି ପିଲାଙ୍କୁ ନେଇ ରଙ୍ଗାରଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।