ରୋଗୀ କଲ୍ୟାଣ ସମିତି ବୈଠକ ଅନୁଷ୍ଠିତ
ଗଣିଆ .ଗଣିଆ ବ୍ଲକ ସଭା ଗୃହରେ ରୋଗୀ କଲ୍ୟାଣ ସମିତି ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ମୁଖ୍ୟ ଅତିଥିଭାବେ ବିଧାୟକ ରମେଶ ଚନ୍ଦ୍ର ବେହେରା ଯୋଗ ଦେଇଥିବା ବେଳେ ସାମ୍ନାନୀତ ଅତିଥିଭାବେ ବ୍ଳକ ଅଧ୍ୟକ୍ଷା ଝୁନା ଜେନା, ଉପାଧ୍ୟକ୍ଷ ରାଜକିଶୋର ସାହୁ, ଜିଲ୍ଲା ପରିଷଦ ସଭ୍ୟ ନରେଶ କୁମାର ବେହେରା, ବିଡ଼ିଓ ସିରିୟାଲ ଶୁଭ୍ର ପଟେଲ, ସ୍ବାସ୍ଥ୍ୟ ଅଧିକାରୀ ମଧୁସୂଦନ ଦାସ ଏବଂ ରୋଗୀ କଲ୍ୟାଣ ସମିତି ବୈଠକର ସମସ୍ତ ସଦସ୍ୟ ଉପସ୍ଥିତ ଥିଲେ । କାୟାକଳ୍ପ ସଦସ୍ୟ ଗଣିଆ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରିଦର୍ଶନ କରିବାକୁ ଥିବାରୁ ତା ପୂର୍ବରୁ ସ୍ବାସ୍ଥ୍ୟକେନ୍ଦ୍ରର ଭିତିଭୂମି ସୁଦୃଢ଼ କରିବାକୁ ଆଲୋଚନା କରାଯାଇଥିଲା । ସ୍ଵାଥ୍ୟକେନ୍ଦ୍ରର ମୁଖ୍ୟ ଫାଟକକୁ ଷ୍ଟିଲଗେଟ କରିବା ପାଇଁ ନିଷ୍ପତି ନିଆଯାଇଥିଲା ! ସ୍ୱାଥ୍ୟକେନ୍ଦ୍ରର ଉଭୟ ପାର୍ଶ୍ବରେ ବସ୍ତି ଗଢ଼ି ଉଠିଥିବା ବେଳେ ଗୋଟିଏ ରାସ୍ତା ଥିବାରୁ ଅନେକ ସମୟରେ ଅସୁବିଧା ହେଉଥିବା ସ୍ବାସ୍ଥ୍ୟ ଅଧିକାରୀ ପ୍ରକାଶ କରିଥିଲେ ! ତୁରନ୍ତ ନୂତନ ରାସ୍ତା ନିର୍ମାଣ କରାଯିବା ପାଇଁ ନିଷ୍ପତ୍ତି ନିଆଯାଇଥିଲା । ଗଣିଆରେ ସ୍ତ୍ରୀ ରୋଗ ପ୍ରସୂତି ବିଶେଷଜ୍ଞ ଡାକ୍ତର ନଥିବାରୁ ପ୍ରସୂତୀମାନେ ବହୁ ଅସୁବିଧାର ସମ୍ମୁଖୀନ ହେଉଥିବାରୁ ତୁରନ୍ତ ଡାକ୍ତର ନିଯୁକ୍ତି କରିବାକୁ ବିଧାୟକଙ୍କର ଦୃଷ୍ଟି ଆକର୍ଷଣ କରାଯାଇଥିଲା । ସ୍ବାସ୍ଥ୍ୟ କେନ୍ଦ୍ର ପରିସରରେ ଏକ ପାର୍କ ନିର୍ମାଣ କରିବା ସହିତ ଆଗାମୀ ଦିନରେ କିଭଳି କୟାକଳ୍ପ ପୁଣି ଥରେ ଗଣିଆ ଗୋଷ୍ଠୀକେନ୍ଦ୍ରକୁ ମିଳିବ ସେଥିପାଇଁ ସମସ୍ତଙ୍କର ସହଯୋଗ କାମନା କରିଥିଲେ ସ୍ୱାଥ୍ୟ ଅଧିକାରୀ ମଧୁସୂଦନ ଦାସ !