ବୃତ୍ତଗଂ ନଦୀରେ ଭାସିଯାଇ ଜଣେ ମୃତ
ଦଶପଲ୍ଲା : 16/09/2022(ରିପୋର୍ଟ: ସୁବାଷ ଚନ୍ଦ୍ର ବାରିକ): ଦଶପଲ୍ଲା ବ୍ଲକ୍ ଘୁଗୁଡିପଡା ଗ୍ରାମପଂଚାୟତ ଅନ୍ତର୍ଗତ ଲୋଧାପଂଗା ଗ୍ରାମର ନିରଂଜନ ଜାନୀକଂ ପୁଅ ,ଚୈତନ୍ୟ ଜାନୀ ( ୩୦ ବର୍ଷ ) ଗତ ବୁଧବାର ଅପରାହ୍ନରେ ରାସନ ସାମଗ୍ରୀ ପାଇଁ, ଘୁଗୁଡିପଡା ପଂଚାୟତ କାର୍ଯ୍ୟାଳୟ କୁ ନଦୀ ପାରହୋଇ ଯାଉଥିବାବେଳେ, ଖରଶ୍ରୋତା ବୃତ୍ତଗଂ ନଦୀର ପ୍ରଖର ସୁଅରେ ଭାସିଯାଇଥିଲେ । ଖବରପାଇ ଗ୍ରାମବାସୀ ଓ ଆତ୍ମୀୟସ୍ବଜନ ଗତକାଲି ରାତିସାରା ଖୋଜାଖୋଜି କରିବାପରେ, ଆଜି ପୂର୍ବାହ୍ନ ସମୟରେ ତାଙ୍କ ମୃତଦେହ ନିକଟସ୍ଥ ଚମ୍ପାଡାଳି ଗ୍ରାମ ନିକଟରେ ଭାସୁଥିବା ଅବସ୍ଥାରେ ଠାବ କରାଯାଇଛି । ଆଜି ପୂର୍ବାହ୍ନ ସମୟେ ବହୁ କଷ୍ଟରେ ଗ୍ରାମବାସୀମାନକଂ ସହାୟତାରେ , ନଦୀରୁ ଶବ ଉଦ୍ଧାର କରାଯାଇଥିଲା । ପ୍ରକାଶ ଥାଉକି ,ପ୍ରତିବର୍ଷ ଖରସ୍ରୋତା ବୃତ୍ତଗ ନଦୀରେ ଭାସିଯାଇ ଅନେକ ବ୍ୟକ୍ତିଙ୍କର ପ୍ରାଣହାନି ଘଟୁଥିବାବେଳେ,ପ୍ରସାଶନ ମୃତ୍ୟୁକାଳୀନ କ୍ଷତିପୂରଣ ଦେବାରେ ଟାଳଟୁଳ ନୀତି ଅବଲମ୍ବନ କରୁଥିବା ଅଂଚଳର କିଛି ବୁଦ୍ଧିଜୀବୀ ପ୍ରକାଶ କରିଛନ୍ତି । ଘଟଣାସ୍ଥଳରେ ଦଶପଲ୍ଲା ପୋଲିସ ପହଞ୍ଚି ଅଧିକ ତଦନ୍ତ ଜାରି ରଖିଥିବାବେଳେ ମୃତଦେହର ବ୍ୟବଛେଦ କରିବାପାଇଁ ଦଶପଲ୍ଲା ଡାକ୍ତରଖାନାକୁ ଆଣିଥିବା ସୂଚନା ମିଳିଛି ।