ଦଶପଲ୍ଲାରେ ଖୋଲିଲା କୋଭିଡ୍ କେୟାର ସେଣ୍ଟର
ଦଶପଲ୍ଲା 04/06/2021(ରିପୋର୍ଟ : ରତ୍ନାକର ହୋତା) :- ସଚେତନତା ଅଭାବରୁ ହେଉ ବା ବିଭାଗୀୟ ଅବହେଳା ରୁ ହେଉ , ଦଶପଲ୍ଲା ସହର ସମେତ ବଣ ପାହାଡ ଘେରା ଦଶପଲ୍ଲାର ମାଳ ଅଂଚଳ ରେ ଦିନକୁ ଦିନ ବଢିଚାଲିଛି , ମହାମାରୀ କରୋନା ର ପ୍ରକୋପ । ଗୋଟିଏ ପରେ ଗୋଟିଏ ଗାଁ ହୋଇଚାଲିଛି କଣ୍ଟେନ୍ ମେଣ୍ଟ ଜୋନ୍ । ଏହି କ୍ରମ ବର୍ଦ୍ଧିଷ୍ନୁ କରୋନା ରୋଗୀ କଂ ସଠିକ୍ ଚିକିତ୍ସା ନିମନ୍ତେ ଆଜି ଦଶପଲ୍ଲା ବାଳକ ଉଚ୍ଚ ବିଦ୍ୟାଳୟ ଠାରେ ଉଦ୍ଘାଟିତ ହୋଇଛି, କୋଭିଡ୍ କେୟାର ସେଣ୍ଟର । ଏହି କୋଭିଡ୍ କେୟାର ସେଣ୍ଟର କୁ ନୟାଗଡ଼ ଜିଲ୍ଲା ପାଳ ଶ୍ରୀମତୀ ପୋମା ଟୁଡୁ ଆଜି , ଆନୁଷ୍ଠାନିକ ଭାବରେ ଉଦ୍ଘାଟନ କରିଥିଲେ । ଏହି ଉଦ୍ଘାଟନ ଉତ୍ସବରେ ଜିଲ୍ଲାପାଳ କଂ ସମେତ, ଦଶପଲ୍ଲା ତହସିଲ୍ ଦାର୍ ଅକ୍ଷୟ କୁମାର ଖେମୁଣ୍ଡୁ , ଦଶପଲ୍ଲା ବିଧାୟକ ଶ୍ରୀଯୁକ୍ତ ରମେଶ ଚନ୍ଦ୍ର ବେହେରା , ଦଶପଲ୍ଲା ବ୍ଲକ୍ ଅଧ୍ୟକ୍ଷା ସୁନନ୍ଦା ସାହୁ , ବ୍ଲକ୍ ଉପାଧ୍ୟକ୍ଷ ବସନ୍ତ କୁମାର ସାହୁ ,ଦଶପଲ୍ଲା ଏନ୍ ଏ ସି କାର୍ଯ୍ୟ ନିର୍ବାହୀ ଅଧିକାରୀ ଦେବବ୍ରତ କର , ଭାରପ୍ରାପ୍ତ ଚିକିତ୍ସା ଅଧିକାରୀ ରଶ୍ମି ରଂଜନ ଭଦ୍ରା କଂ ସମେତ ବହୁ ପଦସ୍ଥ ଅଧିକାରୀ ଉପସ୍ଥିତ ଥିଲେ । ଏହି ସେଣ୍ଟର ଦଶପଲ୍ଲା ବାସୀଙ୍କୁ ମହାମାରୀ କରୋନା କବଳରୁ ଆରୋଗ୍ୟ କରାଇବାରେ ସହାୟକ ହେବ ବୋଲି ଜିଲ୍ଲାପାଳ କହିଥିଲେ ।