ଓଡ଼ିଆ କବି ସନାତନ ମହାକୁଡ ସମ୍ମାନିତ
କଲିକତା: ନ. ଖ | (୨୪/୨) ରାଜସ୍ଥାନ କେନ୍ଦ୍ରୀୟ ବିଶ୍ୱବିଦ୍ୟାଳୟ ସାଂସ୍କୃତିକ କମିଟି ଦ୍ବାରା ଅନଲାଇନ ମାତୃଭାଷା ଦିବସ ମହାସମାରୋହରେ ଅନୁଷ୍ଠିତ ହୋଇଯାଇଛି। ଏଥିରେ ବିଶ୍ୱବିଦ୍ୟାଳୟର ଉପ-କୁଳପତି ପ୍ରଫେସର ନୀରଜ ଗୁପ୍ତା ସଭାପତିତ୍ବ କରିଥିଲେ ଏବଂ ସାଂସ୍କୃତିକ କମିଟିର ଅଧ୍ୟକ୍ଷ ଡ଼ଃ ଶୁଭାଶିଷ ଭଦ୍ର, ସଦସ୍ୟ ଡ଼ଃ ସଂଜୀବ କୁମାର ପାତ୍ର କାର୍ଯ୍ୟକ୍ରମ ପରିଚାଳନା କରିଥିଲେ। ଡ଼ଃ ଶୁଭାଶିଷ ଭଦ୍ର କାର୍ଯ୍ୟକ୍ରମର ଉଦ୍ଦେଶ୍ୟ ସଂପର୍କରେ ଆଲୋକପାତ କରିଥିଲେ ଏବଂ ଉପ-କୁଳପତି ଡ଼ଃ ନୀରଜ ଗୁପ୍ତା ସ୍ବାଗତ ଭାଷଣ ପ୍ରଦାନ କରିଥିଲେ। ଏହି ମାତୃଭାଷା ଦିବସ କାର୍ଯ୍ୟକ୍ରମରେ ବିଭିନ୍ନ ଭାଷାର କବି କବୟିତ୍ରୀ ଅଂଶଗ୍ରହଣ କରି ନିଜର କବିତା ପାଠ କରିଥିଲେ। ଓଡ଼ିଆ କବି ସନାତନ ମହାକୁଡ, ହିନ୍ଦୀ କବୟିତ୍ରୀ ଡ଼ଃ ରେଣୁ ଯାଦବ, କନ୍ନଡ଼ କବି ଶୁଭ୍ରୟା ଚୋକ୍କଡି, ବଂଗଳା କବି ଅପର୍ଣ୍ଣା ମଜୁମଦାର,ବୈଦୁର୍ଯ୍ୟ ସରକାର, ଆସାମର କବି ଜୁରି ଦତ୍ତ, ମଣିପୁରୀ କବି କ୍ଷେତ୍ରୀୟା ମାୟୁମ ରାଜେନ ସିଂ ପ୍ରମୁଖ ଙ୍କୁ ବିଶ୍ୱବିଦ୍ୟାଳୟ ପକ୍ଷରୁ ସମ୍ମାନୀତ କରାଯାଇଥିଲା। ଶେଷରେ ଧନପତି ଶୈାଗ୍ରକପମ୍ ଧନ୍ୟବାଦ ଅର୍ପଣ କରିଥିଲେ।